Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Düsse Böker
 

von Detlef Kolze

Verleeden Tieden blievt nich jümmers gliek. Se ännert sik: "Die Vergangenheit ist niemals statisch." De Oole lees düssen Satz un tööv 'n Oogenblick. Wat weer dat nu woller för'n Gedank? fröög he sik. Düsse Satz stünn in'n Text över de amerikaansche Geschicht. Dat güng doorüm, dat in't vörleste Jahrhunnert in Amerika nich bloots swatte Minschen för nix un ohn Gerichtsordeel ophangt or dootslahn worrn sünd. Datsülbige weer ook mit Minschen ut Mexiko passeert. Dunntomalen harr dat Krieg geben twüschen de witten Amerikaners un Mexiko un an't Enn weer Texas 'n Deel vun Amerikaworrn. Un dat heet: Dat Strieden twüschen Mexikaners un de witten Amerikaners güng weiter. Un dat Lynchen, dat Dootmoken vun Minschen ohn Gericht, höör mit doorto.

Düsse düüstern Saken weern in Amerika sörrer düsse Tieden meist vergeten, lees de Oole, man nu sünd de "Latinos" in dat "witte" Amerika jümmers mehr worrn, un de Latinos intresseert sik ook för ehr Leben in fröhere Tieden. Un so ännert sik de Blick op de amerikaansche Geschicht - wat fröher Lüttschiet weer, rückt nu as grugelige Gewalthaftigkeit wieter na baben: "Geschichte ist niemals statisch."

Förwiss, wenn wi dat so seggt, denn vermengeleert sik twee Bedüden vun "Geschicht". Dat eene is all dat, wat worraftig mit Saken un lebennige Minschen passeert is, un dat annere is dat, wat doorvun in de Geschichtsböker bewahrt bleben is. Mehrstendeels meent wi dat eerste un denkt, wi snackt över dat worraftig Passeerte. Man dat stimmt so nich, denn wi hebbt doorför nix anners tohannen as dat tweete - dat, wat in de Geschichtsböker steiht.

Wi weern nu maal nich sülbens doorbi, un wenn wi doorbi weern, denn kunnen wi nie nich allerwegens doorbi sien. So mööt wi uus dat Weten ut de Böker holen. Un düsse Böker hangt doorvun af, wat de Schriebersminsch för een Minsch wesen is. Un door mööt wi eben op Acht hebben, meen de Oole. Düsse Böker sünd nich de Geschicht, as se worraft aflopen is. Se malert 'n Bild doorvun. Un door is dat vun Bedüden, mit wekke Aart vun Pinsel un mit wekke Gedanken in'n Kopp jichenseen Minsch dat Bild maalt hett.

So kann dat passeeren, dat sik de fröhern Tieden över de Jahren ännert. Nich bloots de Mexikaners in Amerika köönt sowat direktemang naföhlen, wenn se in de Geschichtsböker bläddert.




 
   
     
   
     
      © by Nora Runge - Alle Rechte vorbehalten