Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Op'n Karkhoff
 

von Detlef Kolze
Man trifft kaum noch Menschen hier, sä de Fru, as ehr de Oole op'n Karkhoff in de Mööt keem. "Alles so leer." Se weer jümmers tofreden, wenn ehr denn un wenn noch maal 'n Minsch över'n Weg leep, sä se. Anners föhl se sik so alleen un weer jümmers 'n beten bange, dat ehr op'n Batz jichenseen Keerl an de Wäsch wull. De Oole wull ehr begöschen un meen, dat hüng villicht ook mit dat Wedder tosamen. In de Sommertiet is op'n Karkhoff mehr loos, wenn de Lüüd twee- or dreemaal de Week to'n Geeten kaamt, un eerst recht in't Fröhjahr, wenn 't an't Planten geiht. Man in de Harvsttiet is dat koolt, un door blievt de Lüüd lever tohuus in de warme Stuuv.
Na 'n beten Snackeree sä de Oole adjüüs, man he weer in't Sinneeren kamen. Dat harr woll ook noch annere Grünnen, dat op'n Karkhoff nich mehr so veel loos weer. Denn vundaage gifft dat veel mehr Möglichkeiten as dat Inkuhlen mit 'n Steen babenop.
Door is noch dat groote Meer, woneem de Asch vun de Dooden rin streut warrn kann, de Seebestattung. Un dat gifft ook dat anonyme Inkuhlen ohn jichenseen Teken, un denn mutt nüms na'n Karkhoff hen lopen un na de Blomen kieken or Blomen planten.
Dat is jümmers datsülbige, dach de Oole. Düsse Aart vun Ritualen as dat Inkuhlen op'n Karkhoff mit Steen un Blomen bringt de Lüüd tosamen un sorgt för sowat as 'n beten Tosamenhollen. Un wenn sowat ut de Mood kummt, denn markt dat de Minschen un wunnert sik, dat se so veel alleen sünd. Man villicht ward dat ook noch maal woller anners, dach de Oole. Mit düsse Saken is dat oftins 'n beten wat verdreiht. Se ännert sik ook woller, wenn sik de Mood ännert. Jüst so as to'n Bispill dat Brotbacken or dat Marmelaadkoken un dat Inwecken.
Dat allens weer as oold-backschen Kraam ut de Mood kamen, un miteens düker dat woller op un junge Lüüd fang an un backt woller ehr eegen Brot un kookt Marmelaad un weckt Plummen in. Mag wesen, dat uuse Karkhööv mit ehr ooldbacksche Friedhofskultur ook maal woller mehr in Mood kamen doot, as se dat nu graad sünd.




 
   
     
   
     
      © by Nora Runge - Alle Rechte vorbehalten