Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Natte Placken
 

von Detlef Kolze

In den Oolen sien Huus weer 'n lütten Placken vun't Muurwark över een Fenster natt. Förwiss, dat harr vermuckt
veel regent, un de Storm harr den Regen villicht mit Wuppi an de Muur ran drückt un doorbi villicht ook 'n paar
Löcker opspöört. Tja, villicht weer dat so. Man villicht weer dat ook vullstännig anners.
Mit düssen natten Placken un dat groote Villicht keem in den Oolen sien Kopp wat in de Gangen, dat em opletz in Raasch bringen kunn. Jümmers woller speel he in Gedanken allens döör, wat door passeert sien kunn. Weern door worraftig buten an de Wand Löcker? He müss door maal ruut kieken, man denn weer mehrstendeels nich veel to sehen. Villicht müss he doch de Ledder anstellen, man dat weer woller 'n ornliche Prozeduur mit all de veelen Planten in sien Vörgaarn. Un gefährlich hooch weer dat ook noch. Villicht schull he door anners ran gahn. Villicht weern dat ook gaar keene Löcker in de Steens. Villicht hüng dat mit de Fogen twüschen de Steens tosamen. Or steek door noch wat heel un deel anners achter?
In den Oolen sien Bregen röter un rappel dat. He leep unrusig hen un her. He lees in't Daagblatt, un dat duur nich lang un siene Oogen wannert över den Rand vun dat Blatt un stiert na vörn. Geef dat villicht över dat Fenster noch 'n Rohr vun de Heizung, dat marood weer? Or hüng dat villicht mit de Fensterbank noch 'n Stockwark höger tosamen? Villicht ...
De Oole seet un drünk sien Espresso, un he sinneer, wat he an besten doon kunn, wenn he in de Fassaad Löcker afdichten wull. Förwiss geef dat doorför jichenseen Spezial-Kraam. He fummel na sien Telefoon - un arger sik. Düsse vermuckte natte Placken! Jeedeen mit 'n Huus weet: Water söcht sik sien Weg uin kruupt allerwegens hen. Jichenswenn is dat denn sowiet, un dat drübbelt vun baben her op den Footbodden. Or dat ward natt.
Wenn de Minsch för sowat de Ursaak kennt, denn is allens in de Reeg. He mookt sik door sülbens ran or roopt 'n Handwarksmann. Man wenn he dat nich weet, denn is Alarm in'n Kopp. Denn simmeleert he un söcht na de Ursaak. In de twüschen is de Wand in den Oolen sien Huus meist woller dröög, man he weet jümmers noch nich, wo dat her kamen dä. Man villicht kunn he ... "Oh, düsse vermuckte Villicht-Seelen-Unroh", brummel de Oole vör sik hen.




 
   
     
   
     
      © by Nora Runge - Alle Rechte vorbehalten