Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Oole Kalenners
 

De Oole hett sik maal 'n besünnern Kalenner köfft. Dat weer 'n "Literatur-Kalenner". För jeedeen Week gifft dat 'n enkelt Blatt, woneem de Lesers nakieken köönt, wekke Dichtersminsch an düssen Dag op de Welt kamen or storben is. Un doorto gifft dat 'n Kunterfei mit 'n Gedicht or 'n Afsnitt ut 'n Breef or ut 'n Daagbook.
Bi den Oolen hüng düsse Kalenner op dat Klo, doormit dat he düsse Minuten Dag för Dagook mit 'n paar klooke Gedanken henbringen kunn. Door steiht denn to'n Bispill blangen een groot Foto vun Virginia Woolf mit ehr twee Hunnen: "Mein Gott, wie errfüllt das Leben ist, wenn man es auf die richtige Art angeht! Viele Hektar Farmland und ein neues Gedicht in einem großen Buch mit Schreibpapier - was kann man mehr vom Leben verlangen?"
Un op 'n anner Blatt steiht von Kurt Tucholsky de Gedank: "Man kann in der Provence die Kunstdenkmäler systematisch untersuchen, auf Stilreinheit, Baualter und Grundriss; man kann den Olivenhandel statistisch und tabellarisch darstellen, dass es nur so saust von Zahlen - mann kann aber auch in diesem wunderschönen Lande spazieren gehen."
De Oole kann sik begeistern över düsse paar Sätzen, de mennigmaal ook richtig wunnerlich schreben sünd, to'n Bispill bi Hans Christian Andersen 'n Stück ut 'n Breef: " Es ist so kallt bei uns, sonst schönen Sonnenschein; das Sund, zwischen Kopenhagen und Sweden ist eine Eisfelde geworden ... Ich sehne nach den Sommer, nach das Besuch in Oldenburg ..."
Wat nu dat Besünnere an düssen Kalenner vun den Oolen weer, dat is dat Öller - he stammt ut dat Jahr 2005. Twischendöör - dat is klaar - stimmen veele Jahren lang de Angaben nich mehr. Denn weer de 24. April keen Sünndag, man 'n Maandag or 'n Dunnersdag. Avers miteens keem woller 'n Jahr, wenn de Daten korrekt weern.
Eegenlich stünnen de Kalenner-Daten avers gaar nich babenan. Dat güng üm de Gedanken vun klooke Minschen un dat ehr Namen jümmers woller noch maal döör den Oolen sien Kopp drieseln kunnen. Af un an dammel he denn na sien Bökerschapp hen un kreeg 'n Book vördaag un lees, wat düsse Dichtersminsch noch so schreben harr.
Desterwegen is dat eendoon, dat de Literatur-Kalenner vun 2005 is. Wat door binnen steiht, blifft op de Hööchte vun de Tiet, maal mehr un maal minner - un dat Jahr för Jahr wieter.




 
   
     
   
     
      © by Nora Runge - Alle Rechte vorbehalten