Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Klookheit
  von Detlef Kolze De Sudelböker vun den wunnerbaaren Philosophen Georg Christoph Lichtenberg sünd ’n Sammelsuus vun klooke Gedanken, intressante Geschichten, Ruutschriebereen ut annere Böker, Fasthollen vun Snackereen un wat weet ik noch allens. De Keerl is siet mehr as 200 Jahren doot, un liekers leest wi siene Saken, as kunn de Philosoph glieks blangenan üm de Eck lüüstern. Förwiss, dat eene un dat annere vun siene Schrieberee hett sik as verkehrt ruutstellt, man he harr eerstmaal allens akkraat ankeken, wat em so in de Mööt keem. Kunn door villicht wat an ween, denn schreef he dat op, un siene Sudelböker weern de Ümslagplatz för all sien Simmeleeren. Doorbi wies Lichtenberg, dat he mit open Oogen merrn in siene Tiet stünn un dat in sien Bregen nix vernagelt weer. Un so wüss he, dat koole Klookheit un gesunde Insichten dat eene weern, man dat so’n Minschenkopp noch vun heel un deel wat anners leben dä. Door müss dat Föhlen un Vörstellen sien Placken behollen, dat Billermoken un Drömen. Un so harr he siene Bedenken, wenn "sich protestantische Religion und kalte Vernunft ausbreiten", dat doorbi opletz "die schönen Künste merklich verfallen" un dat noch veel mehr legere Saken passeeren köönt. Wat he doormit meen, is nich ’n Warben för de kathoolsche Kark mit ehr gröttere Buntheit un all ehr Flillerflaller, ook wenn em klaar weer, dat sowat för de Minschenköpp ’n Pluspunkt is. Lichtenberg mook sik Gedanken door över, dat de enkelte Minschenkopp jüst so as de heele "Volks-Körper" toveel klooke Küll nich verdregen kunn. He meen, dat wi ruhig so’n beten "feineren Aberglauben mit gesunder Vernunft" vermengeleeren kunnen un so ’n beten mehr Warms un Wuppdi in de Welt kamen schull. Denn na sien Meenen weer dat verkehrt, dat de Minschen "alle ihre Entschlüsse durch den Kopf passieren lassen". Beter weer’t na Lichtenberg sien Meenen, wenn de Minschen Oogen un Ohren open hollen un rings ümto lüüstern, wat door allens passeer - un doorbi ook goot op överkandidelte un narrsche Saken Acht hebben. Lichtenberg weer seker, "dass ein menschliches Geschlecht von lauter Weisen so wenig das glücklichste wäre wie eines von lauter Narren". Desterwegen kunn dat worraftige Glück för de Minschen bloots ut ’n dennigen Kuddelmuddel vun Klookheit, Ulenspeegelee un Witz ruutsuern. Un glieks achterna stünnen in sien Sudelbook "n paar Saken, de em veel Spaaß mookt harrn: "Alles zwecklose Gucken, Fingern, Füßeln, überhaupt alles Zwecklose."


 
   
     
   
     
      © by Nora Runge - Alle Rechte vorbehalten