Plattdeutsch

Suchen:

> Übersicht
> Neuste Einträge
> Am häufigsten aufgerufen

Kategorien:
> De plattd��tsche Eck von Detlef Kolze
> De plattdüütsche Eck von Detlef Kolze
> Gedichte in Berliner Mundart
> Geschichten in Mundart
> Mundart- Gedichte
> Plattdeutsch
> Plattdeutsche Märchen
> Plattdeutsche Sprichw�rter
> Plattdeutsche Sprichwörter

 
  Maal beten quarken
  von Detlef Kolze De Oole kunn 'n grugeligen Gnadderkopp wesen. Tominnst sä sien Fru dat jümmers, un he müss togeben, dat se mennigmaal recht harr. Man eegenlichleeg dat gaar nich an em, meen de Oole, dat hüng veel mehr mit de annern Lüüd un ehr Doon un Handeln tosamen, dat he meist automaatsch an't Gnaddern keem. Wat geef dat to'n Bispill in uuse Zeitungen för dösige Snackereen över "die Griechen" or "die Engländer" or "die Russen", verklaar de Oole. Eegenlich kann doch jeedeen weten, dat in düsse Länner jüst so veel vullstännig verscheedene Minschen leben doot as bi uus. Worüm wüllt se Millionen Minschen in eenen lüürlütten Kasten pramsen? "Die Griechen haben über ihre Verhältnisse gelebt", lees de Oole. Keen is denn doormit meent? fröög he. De Pracher un de Beddelmann vun de Eck? De lütte Buur, de sik mit siene Olivenbööm so recht un slecht döörslahn dä? De lütte Koopmann, de Dag för Dag in sien Laden steiht un de Minschen in jichenseen afwrackt Stadtviddel bedeenen will? Nee, düsse Lüüd sünd dat nich, de so leevt, as wenn Dag för Dag de Geldschieter vörbi kummt. Dat Elend vun de greekschen Finanzen hebbt de Millionärslüüd un ehr Anhang tostannen bröcht, meen de Oole. Un düsse överbasig rieken Minschen hebbt opletz ook noch ehr Kaptaal butenlands bröcht un doormit dat greeksche Elend noch elenniger mookt. Un liekers kunn de Oole jümmers woller hören un lesen, wat "die Griechen" woller för Schandudel anstellt harrn. "Un wenn sowat jümmers woller passeert", sä de Oole, "denn kann de Minsch ja woll mit Recht an't Gnaddern un Schimpen kamen." Un denn müss he noch wat anbringen, denn he harr bi sien oolen Fründ Arthur Schopenhauer jüst woller 'n kloolen Gedanken doorto funnen. "Wer andere bekrittelt, arbeitet an seiner Selbstbesserung", stünn door. Denn annere Lüüd sünd för een Minschen sowat as 'n Speegel, "in welchem er seine eigenen Laster, Fehler, Unarten und Widerlichkeiten jeder Art deutlich erblickt". Un wat is na Schopenhauer sien Meenen mit de Lüüd, de jümmers den Kopp wegdreiht un sik ruut hollt? De sik över gaar nix opregen köönt? Düsse Lüüd lehrt eben nix doorto, seggt de Denkersminsch.


 
   
     
   
     
      © by Nora Runge - Alle Rechte vorbehalten