Dat du min Leevsten büst

Plattdeutsches Volkslied

Dat du min Leevsten büst,
dat du woll weeß.
Kumm bi de Nacht
kumm bi de Nacht,
segg wo du heeßt

Kumm du üm Middernacht,
kumm du Klock een!
Vader slöpt, Moder slöpt,
ick slaap alleen.

Klopp an de Kammerdör,
fat an de Klink.
Vader meent, Moder meent,
dat deit de Wind.

Kumm denn de Morgenstund,
kreiht de ol Hahn.
Leevster min, Leevster min,
denn mößt du gahn.

Sachen den Gang henlank,
lies mid de Klink!
Vader meent, Moder meent,
dat deit de Wind.