Hell int Finster

von Klaus Groth (1819-1899)

Hell int Finster schint de Sünn,
Schint bet deep int Hart herin;
All wat kold is, dump un weh,
Daut se weg as Is un Snee.

Winter weent sin blanksten Tran,
Voerjahrsathen weiht mi an,
Kinnerfreid so frisch as Dau
Treckt mi daer vunt Himmelsblau.

Noch is Tid! o kamt man in,
Himmelblau un Voerjahrssünn!
Lacht noch eenmal warm un blid
Deep int Hart! o noch ist Tid.